Görməli yerlər
Dünyanın ən böyük qədim qalası olan Praqa qəsri şəhərə özəl görkəm bəxş edir. Səyahət zamanı turistlər mütləq bu yeri görməlidir. Parkları, muzeyləri və məhəllələri gəzərkən əsrlər boyu şəhəri bəzəyən çex monarxlarının, imperatorlarının və prezidentlərinin saraylarını görə bilərsiniz. Praqa qalası Çexiyanın rəmzidir. Qala şəhərə xüsusi cazibə verir və onu yer üzündəki ən cazibədar yerlərdən birinə çevirir.
İstirahət
Ekskursiyalardan yorulmuş və sadəcə istirahət etmək istəyən turistlər Praqada çoxlu maraqlı yerlər tapacaq. Çexiyanın paytaxtına səfəriniz zamanı dincəlmək və rahatlamaq istəyirsinizsə, şəhərin kafe mədəniyyətini kəşf edə bilərsiniz. Praqanın demək olar ki, hər yerində kafelər var və dünyanın keçdiyini seyr edərkən oturub rahat bir fincan qəhvə içə biləcəyiniz çoxlu yerlər var. Yerli kafelərdən bəziləri qəhvə həvəskarları arasında az qala əfsanəyə çevrilib. Onları həm yerli sakinlər, həm də xarici turistlər ziyarət etməyi sevirlər.
Təamlar
Praqada ləziz təamlar təklif edən saysız hesabsız restoran var. Burada dadlı "sviçkova"dan (qaymaqlı sousda tərəvəzli can əti) tutmuş şipşirin desertlərə qədər zəngin seçim var. Şirniyyat sevənlər mütləq trdelniki (şəkər və darçınlı, açıq odda bişirilmiş qoz-fındıqlı qənnadı) dadmalıdırlar. Ənənəvi Çex yeməklərinin ləzzətini hiss etmək istəyirsinizsə, Stare Mestoya baş çəkin.
Alış-veriş
Praqada şopinq etmək sözün əsl mənasında əyləncədir. Alış-veriş üçün mütləq kənara kifayət qədər pul qoymaq və xeyli vaxt ayırmaq lazımdır. Yalnız bir suvenir maqnitlə işiniz bitməyəcək. Bütün piştaxtalar turistləri elə cəzb edir ki, adam hamısına toxunmaq, baxmaq və hətta sevimli cizgi filmindəki köstəbəklə şəkil çəkdirmək istəyir. Çexiyanın əsas turizm brendi və Praqadan əldə edə biləcəyəniz ən yaxşı suvenir qranat daşıdır. İstənilən zərgər dükanında bu daşdan hazırlanmış əl işlərini tapacaqsınız. Dünyaca məşhur Bohemiya şüşəsini isə, əlbəttə ki, Çexiyanın ən böyük zavodu Lapiz Diamondda əldə edə biləcəksiniz.
