"Azərbaycan Hava Yolları" aviaşirkətinin bütün beynəlxalq reyslərində pulsuz qidalanma təmin olunur.

Günün hansı vaxtı uçmağınızdan asılı olmayaraq, Sizə hər zaman diqqətlə seçilmiş məhsullardan hazırlanmış dadlı yemək seçimi təklif olunacaq.

Qeyd edək ki, menyu uçuş sinfinizdən, mövsümdən, uçuşun istiqamətindən və günün vaxtından asılı olaraq dəyişə bilər.

"Azərbaycan Hava Yolları" aviaşirkətinin reyslərinə aviabilet alan zaman Siz xüsusi növ yeməkləri ödənişsiz sifariş edə bilərsiniz.

Siz xüsusi növ yeməkləri bilet alınan zaman və ya “Rezervasiyanın idarə edilməsi” bölməsi vasitəsilə və ya uçuşunuza ən azı 24 saat qalmış Çağrı mərkəzinə müraciət edərək sifariş verə bilərsiniz.

Xüsusi qida növləri:

  • CHML: Uşaq yeməyi - Xüsusi olaraq uşaqlar üçün nəzərdə tutulan menyu uşaqlarınızın zövqünə uyğun olacaq.

  • BBML: Körpə yeməyi - bütün keyfiyyət standartlarına cavab verən tərəvəz və meyvə tərkibli xüsusi qida 2 yaşa qədər uşaqlar üçün təqdim edilir.

  • AVML: Asiya vegetarian qidası (Hind vegetarian qidası)

  • RVML: Çiy vegetarian qidası - buraya əsasən təzə meyvə tərəvəzlər daxildir

  • VGML: Ciddi vegetarian (veqan) qidası

  • VLML: Standart vegetarian qidası - tərkibində ət məhsulları, balıq və ya dəniz məhsulları olmayan, lakin süd məhsulları və yumurtadan ibarət olan qida

  • NLML: Tərkibində süd məhsulları olmayan qida

  • VOML: Şərq vegetarian qidası

  • DBML: Diabetik qida

  • GFML: Tərkibində qlüten olmayan qida

  • LFML: Tərkibində az miqdarda yağ olan qida

  • LSML: Tərkibində az miqdarda duz olan qida

  • LCML: Az kalorili qida

  • LPML: Tərkibində az miqdarda zülal olan qida

  • PRML: Tərkibində az miqdarda purin olan qida

  • HNML: Hind vegetarian olmayan qidası

  • KSML: Koşer qidası - sifariş planlaşdırılan uçuş vaxtından ən azı 24 saat əvvəl qəbul edilir.

  • MOML: Müsəlman qidası

  • ORML: Şərq qidası

  • VJML: Caynizm davamçıları üçün vegetarian qidası

  • SFML: Dəniz məhsullarından hazırlanmış qida

  • BLML: Həzm etmə və ya qidanın çeynənməsi ilə bağlı problemi olanlar üçün üyüdülmüş yumşaq qida

  • FPML: Təzə mövsümi meyvələrdən hazırlanmış qida

  • NFML: Tərkibində balıq və digər dəniz məhsulları olmayan qida

  • HFML: Tərkibində çox miqdarda sellüloz olan qida