Premium Bankın kredit kartı vasitəsilə həyata keçirilmiş satınalmalardan toplanmış Səyahət balları mənim AZAL-Miles hesabıma nə vaxt əlavə ediləcək?

Premium Bankın kredit kartından istifadə etməklə toplanmış Ballar aylıq əsasda və sizin kredit kartı çıxarışının verilməsindən sonra 10 gün ərzində sizin AZAL-Miles hesabınıza əlavə ediləcək. Əlavə məlumat üçün Premium Bankın telefon mərkəzinin (012) 931 əlaqə nömrəsi ilə əlaqə saxlaya bilərsiniz.

2025-ci il qeyri-iş günləri

Bir çoxumuz artıq istirahət günlərini planlaşdırmağa, səyahətlər və ailə görüşləri üçün təqvimdə boş günləri nəzərdən keçirməyə başlayırıq. 2025-ci il də Azərbaycan Respublikasında rəsmi qeyri-iş günləri ilə zəngin olacaq. Bu bloqda ilin qeyri-iş günləri, milli bayramlar və xüsusi günlər haqqında ətraflı məlumat tapa və səyahət günlərini təyin edə bilərsiniz.

Mündəricat

2025-ci ilin əsas qeyri-iş günləri və bayramları

Yeni İl – 1-2 yanvar (Çərşənbə və Cümə axşamı): Yeni ilin ilk iki günü ölkədə rəsmi qeyri-iş günləridir.

Qadınlar Günü – 8 mart (Şənbə): Beynəlxalq Qadınlar Günü hər il olduğu kimi 2025-ci ildə də xüsusi gün kimi qeyd olunacaq.

Novruz Bayramı – 20-24 mart (Cümə axşamı - Bazar ertəsi): Novruz bayramı yazın gəlişini, təbiətin yenidən oyanmasını simvolizə edir və 5 gün qeyri-iş günü elan olunur.

Ramazan Bayramı – 30-31 mart (Bazar günü - Bazar ertəsi): Ramazan Bayramı bu il 30-31 mart tarixlərində qeyd olunur. Bu müqəddəs bayram insanları birlik, paylaşmaq və mərhəmət dəyərləri ətrafında birləşdirir.

Qələbə Günü – 9 may (Cümə): Faşizm üzərində Qələbə Günü ölkəmizdə hər il qeyd olunur və qeyri-iş günü hesab edilir.

Respublika Günü – 28 may (Çərşənbə): Azərbaycan Xalq Cümhuriyyətinin qurulmasının ildönümü münasibətilə bu gün qeyri-iş günü elan edilib.

Qurban Bayramı – 6-7 iyun (Cümə və Şənbə): Müsəlman dünyasının ən müqəddəs bayramlarından biri olan Qurban Bayramı iki gün qeyd edilir.

Milli Qurtuluş Günü – 15 iyun (Bazar günü): Milli Qurtuluş Günü ümummilli lider Heydər Əliyevin hakimiyyətə qayıdışını simvolizə edir.

Silahlı Qüvvələr Günü – 26 iyun (Cümə): Azərbaycan Silahlı Qüvvələri Günü dövlət bayramı kimi qeyd edilir.

Dövlət Müstəqilliyi Günü – 18 oktyabr (Şənbə): Bu gün Azərbaycanın dövlət müstəqilliyinin bərpası ilə əlaqədardır.

Dünya Azərbaycanlılarının Həmrəyliyi Günü – 31 dekabr (Çərşənbə axşamı): İlin son günü Dünya Azərbaycanlılarının Həmrəyliyi Günü ilə yekunlaşır.

İstirahət günlərinin effektiv planlaşdırılması

2025-ci ilin iş və istirahət günləri təqviminə əsasən, səyahət planları üçün ideal tarixlər müəyyən edilə bilər. Yeni il (1-6 yanvar), Novruz (20-24 mart), Ramazan (30-31 mart) və Qurban bayramı (6-7 iyun) kimi uzunmüddətli tətil günləri səyahət üçün əlverişli dövrlərdir. 2025-ci il martın 20, 21, 22, 23, 24-ü Novruz bayramıdır. 22 və 23 mart tarixləri şənbə və bazar gününə təsadüf etdiyindən Əmək Məcəlləsinə əsasən, 25 və 26 mart qeyri-iş günü olacaq. Beləliklə, mart ayında 20-31 mart tarixləri qeyri-iş günləri olacaq. Eyni zamanda 8 noyabr Zəfər Günü, 9 noyabr isə Dövlət bayrağı günü kimi qeyd olunur. Lakin bu tarixlər şənbə və bazar bazar gününə təsadüf etdiyindən Əmək Məcəlləsinə əsasən, 10 və 11 noyabr qeyri-iş günü olacaq. Bu tarixləri səyahət üçün dəyərləndirə bilərsiniz.

Həmçinin, 9 May, 28 May, 8 və 9 Noyabr tarixləri də qısa səyahətlər üçün uyğundur. Əmək Məcəlləsinə uyğun olaraq, bəzi tarixlər əlavə istirahət günü elan edilib və bu da səyahətçilərə daha rahat planlama imkanı yaradır.

Uzun həftəsonları: Əgər qeyri-iş günləri həftəsonuna yaxınlaşırsa, bu günləri səmərəli şəkildə istifadə edin.

Tətil planlaması: İlin əvvəlindən tətil və səyahət planlarınızı bu qeyri-iş günlərini nəzərə alaraq edin.

Səyahət üçün fürsət!

Qeyri-iş günlərindən səmərəli istifadə edərək həm ölkədaxili, həm də xarici səyahətlər planlaşdıra bilərsiniz. Azərbaycan Hava Yolları sizə geniş uçuş şəbəkəsi və rahat uçuş təcrübəsi təqdim edir. 2025-ci ilin qeyri-iş günlərindən maksimum faydalanın, özünüz və yaxınlarınız üçün unudulmaz anlar yaradın!

Müəllif

Azərbaycan Hava Yolları

Azərbaycanın milli hava daşıyıcısı olaraq, səyahətçilərlə bilik və təcrübələrimizi bölüşməkdən məmnunluq duyuruq. Bloqumuz səyahət məsləhətləri və istiqamətlər haqqında, eləcə də xidmətlərimiz və yeniliklərimiz barədə məlumatlar təqdim edir. AZAL hava nəqliyyatında illər ərzində qazandığı təcrübə ilə hər zaman təhlükəsizlik və rahatlığı ön planda tutaraq mükəmməl səyahət təcrübəsi təmin etməyi hədəfləyir. Aviasiya dünyasını kəşf etmək və Azərbaycan Hava Yolları ilə səyahətin gözəlliyini yaşamaq üçün səfərlərimizə qoşulun.

Oxşar məqalələr

Viza tələb etməyən ölkələrin siyahısı
Azərbaycan Hava Yolları (AZAL) səyahət etmək istəyənlər üçün müxtəlif maraqlı və viza tələb etməyən istiqamətlər təklif edir
Daha çox
2026-cı il qeyri-iş günləri
2026-cı ilin qeyri-iş günləri, milli bayramlar və xüsusi tətil günləri haqqında ətraflı məlumat üçün bu bloqa keçid edin.
Daha çox
Səyahət zamanı izləyə biləcəyiniz filmlər
Seçilmiş film tövsiyələri ilə səyahətiniz daha rəngli və rahat keçəcək. Uçuş zamanı izləyə biləcəyiniz maraqlı və yüksək reytinqli kinoları bu bloqda tapa bilərsiniz.
Daha çox
Şengen vizası necə almaq olar?
Bu yazıda Şengen vizası üçün müraciət etməzdən əvvəl nəzərə almalı olduğunuz əsas məqamları və hazırlamalı olduğunuz sənədlərin siyahısını sizə təqdim edəcəyik.
Daha çox