"Azərbaycan Hava Yolları" QSC öz fəaliyyətində ən yüksək etik standartlara sadiqdir və qüvvədə olan bütün qanunvericilik və normativ aktların tələblərinə riayət edir.

İnanırıq ki, işimizi dürüstlük və məsuliyyətlə yerinə yetirmək uzunmüddətli uğurumuzun və etibarlı daşıyıcı kimi nüfuzumuzun əsasını təşkil edir. Bu prinsiplərə sadiqlik, müştərilərimizin, əməkdaşlarımızın və tərəfdaşlarımızın maraqlarını ön planda tutaraq şəffaf və ədalətli şəkildə fəaliyyət göstərməyimizə zəmin yaradır.

Təşkilat daxilində etik davranış qaydalarının və komplayens mədəniyyətinin inkişafı üçün əlverişli mühit formalaşdırmağa çalışırıq. Hər bir əməkdaşın vicdanlı və dürüst davranması üçün təşviqedici mexanizmlər tətbiq olunur. Komplayens proqramlarımız, prosedurlarımız və təlimatlarımız beynəlxalq və yerli normativ tələblərə, eləcə də ən qabaqcıl biznes təcrübələrinə uyğun şəkildə hazırlanmışdır. Bu sistemlər potensial risklərin və uyğunsuzluqların vaxtında aşkarlanması, qarşısının alınması və effektiv şəkildə həll olunmasına yönəlib. Bu dəyərləri gündəlik fəaliyyətimizə inteqrasiya etməklə maraqlı tərəflər arasında uzunmüddətli etimad formalaşdırır və xidmət etdiyimiz cəmiyyətin inkişafına müsbət töhfə verməyə çalışırıq.

"Azərbaycan Hava Yolları" QSC olaraq, etik davranış normalarına tam cavab verən və daim təkmilləşən komplayens sistemini qoruyub saxlamaq öhdəliyini daşıyırıq.