Ciddədə görməli yerlər və səyahət planı
Səudiyyə Ərəbistanının Qırmızı dəniz sahilində yerləşən Ciddə tarixi və müasir elementləri birləşdirən unikal şəhərlərdən biridir. Bu şəhər qədim islam irsi, möhtəşəm memarlıq abidələri və müasir göydələnləri ilə tanınır. Həm Həcc ziyarətinə gedənlər, həm də dəniz mənzərələrinin və mədəni irsin həvəskarları üçün Ciddə ziyarətə dəyər bir şəhərdir. Bakı–Ciddə reysi ilə siz də bu füsunkar şəhəri kəşf edə bilərsiniz.
Mündəricat
Ciddədə görməli yerlər
Səudiyyə Ərəbistanının Qırmızı dəniz sahilində yerləşən Ciddə tarixi və müasir elementləri birləşdirən unikal şəhərlərdən biridir. Bu şəhər qədim islam irsi, möhtəşəm memarlıq abidələri və müasir göydələnləri ilə tanınır. Həm Həcc ziyarətinə gedənlər, həm də dəniz mənzərələrinin və mədəni irsin həvəskarları üçün Ciddə ziyarətə dəyər bir şəhərdir.
Al-Balad (tarixi mərkəz)
UNESCO-nun Dünya İrsi Siyahısına daxil edilmiş Al-Balad Ciddənin ən qədim bölgəsidir. Burada dar küçələr, ənənəvi taxta eyvanlı evlər və yüz illərlə yaşı olan bazarlar yerləşir. Küçələrdə gəzişərkən tarixi evlər, yerli dükanlar və İslam memarlığının nadir nümunələri ilə tanış ola bilərsiniz. Xüsusilə, Nasif Evi (Nassif House) bölgənin ən diqqətçəkən tarixi tikililərindən biridir.
Kral Fahd fəvvarəsi
Ciddənin simvollarından biri sayılan Kral Fahd fəvvarəsi dünyanın ən hündür fəvvarələrindən biridir. Qırmızı dənizin sahilində yerləşən bu fəvvarə 312 metrə qədər yüksələn su sütunu ilə axşam saatlarında xüsusi işıqlandırma altında inanılmaz mənzərə yaradır. Ciddəyə səfər edən turistlər bu möhtəşəm fəvvarənin fonunda şəkillər çəkməyi unutmurlar.
Corniche sahil bulvarı
Ciddə Corniche sahil bulvarı şəhərin ən gözəl istirahət zonalarından biridir. Qırmızı dənizin sahili boyunca uzanan bu ərazi parkları, idman sahələri, lüks restoranlar və açıq hava muzeyi ilə tanınır. Burada dəniz mənzərəsindən həzz alaraq gəzinti edə, velosiped sürə və ya ailənizlə dincələ bilərsiniz.
Kral Abdullah iqtisadi Şəhəri (KAEC)
Müasir Ciddənin inkişafını əks etdirən KAEC şəhərin gələcək ticarət və turizm mərkəzi kimi tanınır. Burada lüks otellər, qolf meydançaları və Marina sahili kimi dənizkənarı istirahət zonaları mövcuddur. Şəhər turizminin ən yeni cazibə mərkəzlərindən biri olaraq, həm iş adamları, həm də ailələr üçün əla seçimdir.
Fakieh akvariumu
Dəniz dünyasını yaxından tanımaq istəyənlər üçün Fakieh akvariumu ideal məkandır. Burada Qırmızı dənizdə yaşayan müxtəlif sualtı canlıları, nəhəng akvariumlar və maraqlı delfin şouları təqdim edilir. Uşaqlar və ailələr üçün əyləncəli və maarifləndirici bir məkan olan bu akvarium Ciddədə ən çox ziyarət edilən yerlərdən biridir.
Ciddədə istirahət
Ciddə rahat atmosferi və dəniz sahili boyunca uzanan istirahət məkanları ilə tanınır. Şəhərdə dincəlmək üçün ən yaxşı yerlərdən biri Corniche sahil bulvarıdır. Burada gəzintiyə çıxaraq Qırmızı dənizin mənzərəsindən zövq ala, açıq havada istirahət edə bilərsiniz. Daha aktiv istirahət üçün Fakieh akvariumunu ziyarət edərək dəniz canlılarını yaxından izləyə və delfin şousuna baxa bilərsiniz. Həmçinin, Ciddədə lüks spa bədən və ruhunuzu rahatladacaq masaj və gözəllik prosedurlarından faydalana bilərsiniz.
Ciddədə yeməklər
Ciddə Səudiyyə Ərəbistanının zəngin mətbəxini və beynəlxalq yeməkləri təklif edən restoranları ilə dad həvəskarları üçün cəlbedici bir şəhərdir. Ənənəvi ərəb mətbəxindən ləzzət almaq istəyənlər üçün Al Baik restoranında məşhur qızardılmış toyuğu dadmaq tövsiyə olunur. Al Khayam və Al Nakheel kimi restoranlarda isə kabablar, xumur (ənənəvi ərəb çörəyi) və ləzzətli düyü yeməkləri təqdim edilir. Şəhərdə, eyni zamanda, dünya mətbəxinin müxtəlif nümunələrini tapa bilər və dəniz məhsulları ilə tanınan restoranlarda Qırmızı dənizin təzə balıqlarını dada bilərsiniz.
Ciddədə alış-veriş
Ciddə həm lüks butiklər, həm də ənənəvi bazarları ilə alış-veriş sevənlər üçün maraqlı seçimlər təqdim edir. Red Sea Mall, Mall of Arabia və Al Salaam Mall şəhərin ən böyük və müasir ticarət mərkəzlərindəndir. Burada beynəlxalq brendlərdən tutmuş yerli dizaynerlərin məhsullarına qədər geniş çeşiddə məhsullar tapmaq mümkündür. Ənənəvi suvenirlər və yerli məhsullar almaq istəyənlər üçün isə Al-Balad Bazarı ideal seçimdir. Burada qızıl-zinət əşyaları, ətirlər, əl işi toxunmuş xalçalar və məşhur ərəb ədviyyatlarını tapa bilərsiniz.
Səyahətdən öncə bilməli olduğunuz məlumatlar
Ciddəyə səyahət etməzdən əvvəl Səudiyyə Ərəbistanının viza tələblərini yoxlamaq vacibdir. Azərbaycan vətəndaşları üçün e-visa əldə etmək mümkündür. Şəhərdə istifadə edilən valyuta Səudiyyə riyalıdır (SAR), lakin bəzi ticarət mərkəzlərində ABŞ dolları və kredit kartları da qəbul edilir. Ciddə isti iqlimə malikdir, buna görə də yay aylarında temperatur 40°C-dən yuxarı ola bilər, səyahət üçün ən ideal vaxt isə qış və yaz aylarıdır. İslam qanunlarına uyğun olaraq geyim qaydalarına əməl etmək və ictimai yerlərdə mədəniyyətə uyğun davranmaq vacibdir. Qadınların abaya geyinməsi məcburi deyil, lakin geyimləri nisbətən örtülü olmalıdır. Nəqliyyat üçün taksilər və "Careem" və "Uber" kimi mobil tətbiqlər rahat seçimlər arasındadır.
Müəllif
Oxşar məqalələr
Barselonada görməli yerlər və səyahət planı
Daha çoxBarselona memarlıq inciləri, tarix və mədəniyyət dəyərləri ilə Avropanın ən cəlb edici turistik istiqamətlərindən biridir. Dəniz sahili boyunca uzanan bu fövqəladə gözəl şəhər Antoni Qaudinin memarlıq abidələri, görkəmli parkları və tarixi məhəllələri ilə hər bir səyahətçini valeh edir. Bu bələdcidə Barselonada görməli yerlər, istirahət, əyləncə və səyahətinizin daha maraqlı olması üçün faydalı məlumatlarla tanış olacaqsınız.
Bodrumda görməli yerlər və səyahət planı
Daha çoxBodrum Egey sahillərinin incisi, möhtəşəm çimərlikləri, tarixi yerləri və canlı atmosferi ilə unudulmaz bir səyahət təcrübəsi vəd edir. Burada həm dənizdə dincələ, həm qədim tarixin izlərini kəşf edə, həm də gecə həyatının ritmini hiss edə bilərsiniz. İstər sakit bir çimərlik istirahəti, istərsə də macəra dolu bir tətildə olmağı planlaşdırın, Bodrum hər zövqə uyğun gözəllikləri ilə sizi valeh edəcək!
Berlində gəzməli yerlər və səyahət planı
Daha çoxBerlin Almaniyanın paytaxtı və ən böyük şəhəri olmaqla yanaşı, tarixi, mədəniyyəti və müasir həyat tərzi ilə ziyarətçiləri özünə heyran edən bir metropoldur. Bu yazıda Berlin səyahətinizi daha maraqlı və rahat etmək üçün ən yaxşı məkanlar, əsas görməli yerlər və digər faydalı məlumatlar ilə tanış olacaqsınız.
Dubayda görməli yerlər və səyahət planı
Daha çoxDubay səyahətiniz üçün bələdçi! Dubayda görməli yerlər, unudulmaz təcrübələr və Azərbaycan Hava Yolları ilə rahat uçuşlar haqqında məlumat əldə edin.
İstanbulda görməli yerlər və səyahət planı
Daha çoxİstanbulda görməli yerlər, əyləncə, mətbəx və alış-veriş imkanları haqqında hər şey burada! Tarixi keçmişi və təbii gözəllikləri, dinamik gecə həyatı və zəngin mədəni tədbirləri ilə turistləri valeh edən İstanbul, bir an belə boş qalmayacağınız bir şəhərdir.