Şamaxıda gəzməli yerlər

VIII əsrdə inşa olunmuş bu möhtəşəm məscid Qafqazın ən qədim məscidlərindən biridir. Zəlzələlərə baxmayaraq bərpa edilərək bu günümüzə qədər gəlib çıxan cümə məscidi həm tarixi abidə, həm də dini ziyarətgah olaraq böyük əhəmiyyət daşıyır.

SSRİ dövründə inşa edilən və bu gün də fəaliyyət göstərən bu rəsədxana, ulduzları seyr etmək və astronomiyaya marağı olanlar üçün möhtəşəm bir məkandır. Təmiz dağ havası və şəhər işıqlarından uzaq olması səbəbilə bura müşahidə üçün ideal şərait yaradır.

Şamaxıya yaxın məsafədə yerləşən və İsmayıllıya tabe olan bu qədim kəndi də yolunuzu salmadan keçməyin. Daş döşənmiş küçələr, qədim evlər və əl işləri ilə dolu mağazalar sizi tarixdə bir səfərə çıxaracaq. Lahıcda misgərlik sənəti UNESCO tərəfindən qeyri-maddi mədəni irs kimi tanınıb.

Şamaxıda gəzməli yerlər deyildikdə ilk ağla gələnlərdən biri də Gülüstan qalasıdır. XII əsrdə Şirvanşahlar dövründə müdafiə məqsədilə inşa olunan bu tarixi qala bu gün həm möhtəşəm panoramaları, həm də qədim arxitekturası ilə turistlərin sevimli ziyarət məkanına çevrilib. Gülüstan qalası zaman-zaman baş vermiş təbii fəlakətlərə və müharibələrə baxmayaraq, öz tarixi simasını qoruyub saxlayıb. Arxeoloji qazıntılar nəticəsində burada müxtəlif dövrlərə aid maraqlı tapıntılar aşkarlanıb. Qala yüksək bir təpənin üzərində yerləşdiyi üçün buradan Şamaxının ucsuz-bucaqsız təbiət mənzərəsini izləmək əsl unudulmaz təcrübədir.

Pirqulu qoruğu Şamaxının ən sevilən təbiət məkanlarından biridir. Azərbaycanın zəngin flora və faunasını qorumaq məqsədilə yaradılmış bu ərazi, ekoturizm həvəskarları üçün ideal məkandır. Burada sıx meşələr, təmiz dağ havası, sakit təbiət mənzərələri və gəzinti yolları sizə şəhərdən uzaqlaşıb təbiətlə təmasda olmaq imkanı yaradır.

Tarixi və dini əhəmiyyət daşıyan Yeddi Gümbəz türbəsi Şamaxının qədim keçmişinə işıq tutan ən dəyərli abidələrdən biridir. XV əsrdə Şirvanşahlar dövründə inşa olunan bu türbə kompleksi bir zamanlar Şirvanşahlar sülaləsinin üzvlərinin dəfn edildiyi məkan olmuşdur. Şamaxı yalnız tarix və təbiətlə deyil, həm də sakit atmosferi, saf havası və qonaqpərvər insanları ilə ziyarətçisinə dincəlik və ruhi rahatlıq bəxş edir. Həm qısa həftəsonu səfərləri, həm də uzun təbiət yürüşləri üçün ideal bu bölgə Azərbaycan turizminin parlayan ulduzlarından biridir. Səyahət planınıza Şamaxını daxil edin və öz gözlərinizlə bu qədim diyarın sehrini kəşf edin!