Baqaj haqqında məlumat - Azerbaijan Airlines

AZAL tərəfindən yerinə yetirilən reyslərdə baqaj üçün tariflər

“Azərbaycan Hava Yolları” Aviaşirkəti yerlərin miqdarına görə qeydiyyatdan keçirilən baqajın daşınma normasının hesablanması üzrə yeni siyasəti tətbiq edir.

Aşağıdakı cədvəldə xidmət sinfindən və marşrutun məsafəsindən asılı olaraq “Azərbaycan Hava Yolları” şirkətinin reyslərində qeydiyyatdan keçirilən baqajın daşınma normaları, habelə normadan artıq baqaj üçün tariflər təqdim edilmişdir:

AZAL tərəfindən yerinə yetirilən reyslərdə

Xidmət sinfi Pulsuz daşınan baqaj norması Normadan artıq baqajın daşınma dəyəri
VİP klub

 Hər biri 32 kiloqramdan artıq  olmamaq şərtilə 3 baqaj vahidi

 

Hər sonrakı 23 kq-a qədər əlavə baqaj yeri üçün – 50 EUR; (40 GBP; 60 USD;210 AED)

Yalnız Bakı-Nyu-York-Bakı və Bakı – Pekin – Bakı reyslərində hər sonrakı 23 kq-a qədər əlavə baqaj yeri üçün – 100 EUR(120 USD)*

Biznes

Hər biri 32 kiloqramdan artıq olmamaq şərtilə 2 baqaj vahidi

Komfort klub

Hər biri 32 kiloqramdan artıq olmamaq şərtilə 2 baqaj vahidi

Ekonom

23 kiloqramdan artıq olmamaq şərtilə 1 baqaj vahidi

Yalnız Bakı-Nyu-York-Bakı və Bakı-Küveyt-Bakı reyslərində 23 kiloqramdan artıq olmamaq şərtilə 2 baqaj vahidi.

Yalnız Moskva (VKO) -Gəncə-Moskva (VKO), Moskva (VKO) –Qəbələ-Moskva (VKO) və Moskva (VKO) -Lənkəran-Moskva (VKO) uçuşlarında baqajın pulsuz daşınma norması 0 PC / Bagajın pulsuz daşınma norması barədə bütün məlumatı aviabiletinizdə tapa bilərsiniz

Uçuş nömrəsi 9 rəqəmi ilə başlayan (məsələn: J2 9101) "Buta Airways" aviaşirkətinin uçuşlarında baqaj haqqında məlumat https://www.butaairways.az/az/information/baggage səhifəsində yerləşdirilmişdir.

Hər bir baqaja görə ilkin ödəniş (23 kiloqrama qədər daxil olmaqla) uçuşdan ən azı 3 saat əvvəl, aviaşirkətin şəxsi satış kassalarında və akreditə edilmiş agentliklərdə 40 Avro (30 GBP/50 USD/180 AED) məbləğində ödəniş etməklə mümkündür.

Üç ölçünün cəmi üzrə (hündürlük x en x dərinlik) bir baqaj yerinin ölçüsü 158 santimetrdən artıq olmamalıdır.

2 yaşına çatmamış və hava gəmisinin salonunda valideynləri ilə bir yerdə əyləşərək səyahət edən uşaqlar üçün çəkisi 10 kiloqramdan artıq olmayan  və üç ölçünün cəmi üzrə ölçüsü 115 santimetrdən böyük olmayan bir baqaj yerinin pulsuz daşınması hüququ verilir.

2-12 yaş arası uşaqlar üçün pulsuz baqajın daşınma norması böyük sərnişin üçün daşınma normasına bərabərdir.

Təyin edilmiş pulsuz daşınan baqaj normasından əlavə sərnişin minik, düşmə və ya uçuş zamanı ona lazım ola bilən ləvazimatları (əşyaları) daşımaq hüququna malikdir. Buraya aşağıdakı ləvazimatlar (əşyalar) daxildir:

2-yaşına qədər körpə/uşaq ilə uçan sərnişin üçün uçuş zamanı uşaq qidası və səfərdə istifadə üçün beşik;

2-yaşına qədər körpə/uşaq ilə uçan sərnişin üçün yüngül çəkili yığılan uşaq arabası (hava gəmisinin yük bölməsində daşınır).

      Üç ölçünün cəmi üzrə bir baqaj yerinin ölçüsü 158 santimetrdən artıq olduğu halda (203-santimetrdən böyük olmaması şərtilə) 50 EUR (40 GBP; 60 USD; 210 AED) məbləğində əlavə haqq alınır.

Üç ölçünün cəmi üzrə bir qeyri-standart baqaj yerinin ölçüsü 203 santimetrdən artıq olduğu halda 100 EUR (80 GBP; 120 USD; 420 AED) məbləğində əlavə haqq alınır.

 Bir yer baqajın çəkisi normadan artıq olduğu halda (23 kiloqramdan artıq, lakin 32 kiloqramdan artıq olamamaq şərti ilə) əlavə 50 EUR (40 GBP; 60 USD; 210 AED) məbləğində ödəniş olunmalıdır.

Baqajın normadan artıq çəkisi və ölçüsü üçün əlavə haqq həm icazə verilən norma həddində baqaja, həm də əlavə baqaj yerlərinə görə alınır. 

Çəkisi 32 kiloqramdan artıq olan baqaj yalnız yük kimi rəsmiləşdirilir və daşıma üçün qəbul edilir.

Bütün növ uşaq və əlil arabaları yalnız baqaj bölməsində daşınır və  müəyyən olunmuş baqaj normasından əlavə, ödənişsiz daşıma üçün qəbul edilir. 

 

Baqaja görə bütün ödənişlər (EUR, AED, USD, GBP) rəsmi məzənnəyə uyğun olaraq yerli valyutada həyata keçiriləcəkdir.

“AZAL-Miles” proqramının iştrakçıları üçün

“AZAL-MİLES” proqramının “Platinum” və “Gold” statusunun iştirakçıları “AZAL-Miles” programının şərtləri və qaydalarına əsasən aviaşirkətin öz reyslərində 23 kiloqramdan artıq olmayan bir baqaj yerinin ödənişsiz daşınmasını əldə etmək imkanına malikdirlər.

 Təyyarənin salonunda baqajın daşınma norması:

Qeydiyyatdan keçirilməyən baqaj (əl yükü) – çəkisi 10 kiloqramdan artıq və üç ölçünün cəmi üzrə (1 baqaj yerinin) ölçüsü 118 santimetrdən artıq olmayan (55*40*23 sm) baqajdır. Aviasiya Şirkətinin reyslərində baqajın daşınma norması:

VİP klub sərnişinləri üçün – 2 yer;

Komfort Klub sərnişinləri üçün – 2 yer;

Biznes sinif sərnişinləri üçün - 2 yer;

Ekonom sinif sərnişinləri üçün – 1 yer;

Əlavə olaraq təyyarə salonuna qadın əl çantası, kişi portfeli, portativ kompyuter götürmək olar.

Baqajın pulsuz daşınma normasının şamil edilmədiyi xüsusi baqaj əşyaları

Ölçü və çəkisinə görə adi baqajdan fərqlənən iriölçülü və qeyri-standart baqaja pulsuz daşınma norması şamil olunmur. Bunlara aiddir:

- idman ləvazimatı, aşağıda göstərilənlərdən başqa;

- üç ölçü cəmində 115 sm-dən artıq olan ölçüdə musiqi alətləri;

- Audio və videotexnika;

- televizorlar*, soyuducular;

- qablaşdırılmış vəziyyətdə ölçü və çəkisi pulsuz daşınma normasından artıq olan baqaj**;

- diri heyvanlar;

- silah və döyüş sursatları;

*Yalnız Dubay-Bakı istiqamətində uçuşlarda diaqonal ölçüsü 32 inch-ə kimi  hər bir televizorun daşınması baqajın pulsuz daşınma normasına daxildir. Normadan artıq baqaj qismində daşındıqda televizorun artıq çəki və ölçüsü nəzərə alınmadan yalnız əlavə yerə görə 60 AED məbləğində ödəniş aparılmalıdır.

Ölçüsü 32 inch-dən artıq 55 inch-dən az olan televizorların qeyd olunan istiqamət üzrə daşınması zamanı, 210 AED məbləğində rüsum tutulmalıdır.

Həmçinin, çəkisi 32 kq-dan və ya diaqonalı 55 inch-dən artıq  olan televizorların bu istiqamətdə yalnız yük qismində daşınmasına icazə verilir

**Bütün uçuşlarda velosiped baqajın pulsuz daşınma normasına daxildir. Normadan artıq daşınması zamanı artıq ölçü nəzərə alınmamalı yalnız normadan artıq yer və ya çəki olduqda nəzərədə tutulmuş ödəniş aparılmalıdır.

İdman ləvazimatlarının daşınması

Bir dəst qolf və/ və ya xizək avadanlığı*** nəzərdə tutulmuş normadan əlavə pulsuz daşınır. Sonrakı dəstlərə və onların ölçü və çəkisinin normadan artıq olmasına görə normadan artıq baqajın dəyərinin ödənilməsi qaydalarına əsasən əlavə ödəniş aparılmalıdır. Qolf və xizək avadanlığı dəstinin hava gəmisinin sərnişin salonunda daşınması qəti qadağandır və müvafiq qaydada qablaşdırılaraq baqaj bölməsində daşınmalıdır.

Bütün digər idman avadanlığı və ləvazimat baqajın pulsuz daşınma normasına daxil edilir və normadan (habelə ölçüsü və çəkisi) artıq olduğu təqdirdə, ödənişli baqaj qaydalarına əsasən əlavə haqq alınır.

İdman ləvazimatının (tennis avadanlığı və bədii gimnastika üçün xüsusi dəst istisna olmaqla) hava gəmisinin sərnişin salonunda daşınması qəti qadağan edilir və müvafiq qaydada qablaşdırılaraq baqaj bölməsində daşınır

***Zəruri avadanlıqları ilə birlikdə (qoruyucu dəbilqə, eynək, çəkmə və s.) bir cüt qar xizəyi və ya bir ədəd snoubord

 

Pekin-a/dan uçuşlarda baqaj daşıma qaydaları

Xidmət sinfi

Pulsuz daşınan baqaj norması

Normadan artıq baqajın
daşınma dəyəri

VIP Klub

Hər biri 32 kiloqramdan artıq olmamaq şərtilə
 3 baqaj vahidi

Əlavə baqaj yeri üçün (23 kq-dan artıq olmamaq şərtilə)
100 EUR və ya 120 USD

Komfort Klub

Hər biri 32 kiloqramdan artıq olmamaq şərtilə
 2 baqaj vahidi

Biznes

Hər biri 32 kiloqramdan artıq olmamaq şərtilə
 2 baqaj vahidi

Ekonom

23 kiloqramdan artıq olmamaq şərtilə 1 baqaj vahidi

Yalnız bu reyslərdə sərnişinlərə uçuşdan ən azı 3 saat əvvəl 80 Avro   (100 ABŞ dolları) məbləğində ödəniş etməklə 23 kq-dan çox olmamaq  şərti    ilə normadan  artıq hər baqaj üçün  daşınmasının  uçuşdan  əvvəl   rəsmiləş  -
- dilirməsi təklif edilir.
-     Üç ölçünün cəmi üzrə bir qeydiyyatdan keçmiş baqaj yerinin ölçüsü 158 santimetrdən artıq olduğu halda (203 santimetrdən böyük olmaması şərtilə) 100 Avro və ya 120 ABŞ dolları məbləğdə əlavə haqq alınır.
-    Üç ölçünün cəmi üzrə bir qeyri-standart baqaj yerinin ölçüsü 203 santimetrdən artıq olduğu halda 200 Avro və ya 240 ABŞ dolları məbləğdə əlavə haqq alınır.
-    Əğər baqaj icazə verilən pulsuz daşınma normasından artıq olaraq 23-32 kg təşkil edərsə, bu halda əlavə 100 Avro və ya 120 ABŞ dolları məbləğində ödəniş alınmalıdır.
AVIH (baqajda heyvan) baqajın pulsuz daşınma normasına daxil edilmir və baqajın çəkisi və ölçülərindən asılı olaraq ödəniş nəzərə alınmaqla baqaj üçün müəyyən edilmiş xüsusi haqq alınır

  • heyvanın qəfəslə birlikdə çəkisi: 32 kiloqramadək – 100 Avro (120 ABŞ dolları);
  • heyvanın qəfəs ilə çəkisi: 32 kiloqramdan 75 kiloqramadək– 200 Avro; (240 ABŞ dolları;)
  • üç ölçünün cəmi üzrə qəfəsin ölçüsü 158 santimetrdən böyük olduqda (203 santimetrədək) - əlavə olaraq 100 Avro (120 ABŞ dolları);
  • üç ölçünün cəmi üzrə qəfəsin ölçüsü 203 santimetrdən böyük olduqda - əlavə olaraq 200 Avro (240 ABŞ dolları;)

PETC (kabinədə heyvan) əl yükünün pulsuz daşınma normasına daxil edilmir və 100 Avro (120 ABŞ dolları) məbləğində haqq ödənilir.

Transfer sərnişinlər üçün

“AZAL” aviaşirkəti tərəfindən yerinə yetirilən reyslərdə transfer baqajın daşınması zamanı normadan artıq hər əlavə baqaj yerinin daşınma dəyəri bütün marşrut boyu 50 EUR (40 GBP, 60 USD, 210 AED) təşkil edir.

"Transfer standart", " Transfer xüsusi ", " Transfer aksiya" – xüsusi transfer tariflərinə (https://www.azal.az/az/information/fare-families-rules) əsasən rəsmiləşdirilmiş transfer daşımalarının bir sahəsi “AZAL” aviaşirkəti digəri isə “Buta Airways” aviaşirkəti tərəfindən yerinə yetirildiyi halda bütün marşrut boyu baqajın pulsuz daşınma norması “AZAL” tərəfindən təyin edilən normaya uyğun olaraq müəyyən edilir.

Nyu-Yorka/Nyu-Yorkdan, Pekinə/Pekindən səyahət edən transfer sərnişinlər üçün hər əlavə  baqaj yerinin (23 kq-dan artıq olmamaq şərtilə) daşınma dəyəri – 100 EUR (120 USD) təşkil edir.

Bir neçə aviadaşıyıcının iştirakı ilə yerinə yetirilən  transfer daşımaları zamanı  baqajın daşınması baqaj haqqında IATA-nın 302 nömrəli qətnaməsinə əsasən həyata keçirilir.

Ayrı-ayrı marşrutlar üzrə baqajın pulsuz daşınma norması aviaşirkət rəhbərliyinin əmrlərinə və göstərişlərinə əsasən dəyişə bilər.

 

Nyu-York-a/dan uçuşlarda baqaj daşıma qaydaları

 Xidmət sinfi

Pulsuz daşınan baqaj norması

Normadan artıq baqajın
daşınma dəyəri

VIP Klub

Hər biri 32 kiloqramdan artıq olmamaq şərtilə
 3 baqaj vahidi

Əlavə baqaj yeri üçün (23 kq-dan artıq olmamaq şərtilə)
100 EUR və ya 120 USD

Komfort Klub

Hər biri 32 kiloqramdan artıq olmamaq şərtilə
 2 baqaj vahidi

Biznes

Hər biri 32 kiloqramdan artıq olmamaq şərtilə
 2 baqaj vahidi

Ekonom

23 kiloqramdan artıq olmamaq şərtilə 2 baqaj vahidi

 

Yalnız bu reyslərdə sərnişinlərə uçuşdan ən azı 3 saat əvvəl 80 Avro   (100 ABŞ dolları) məbləğində ödəniş etməklə 23 kq-dan çox olmamaq  şərti    ilə normadan  artıq hər baqaj üçün  daşınmasının  uçuşdan  əvvəl   rəsmiləş  -
- dilirməsi təklif edilir.
-     Üç ölçünün cəmi üzrə bir qeydiyyatdan keçmiş baqaj yerinin ölçüsü 158 santimetrdən artıq olduğu halda (203 santimetrdən böyük olmaması şərtilə) 100 Avro və ya  120 ABŞ dolları məbləğdə əlavə haqq alınır.
-    Üç ölçünün cəmi üzrə bir qeyri-standart baqaj yerinin ölçüsü 203 santimetrdən artıq olduğu halda 200 Avro və ya 240 ABŞ dolları məbləğdə əlavə haqq alınır.
-    Əğər baqaj icazə verilən pulsuz daşınma normasından artıq olaraq 23-32 kg təşkil edərsə, bu halda əlavə 100 Avro və ya 120 ABŞ dolları məbləğində ödəniş alınmalıdır.
AVIH (baqajda heyvan) baqajın pulsuz daşınma normasına daxil edilmir və baqajın çəkisi və ölçülərindən asılı olaraq ödəniş nəzərə alınmaqla baqaj üçün müəyyən edilmiş xüsusi haqq alınır

  • heyvanın qəfəslə birlikdə çəkisi: 32 kiloqramadək – 100 Avro (120 ABŞ dolları);
  • heyvanın qəfəs ilə çəkisi: 32 kiloqramdan 75 kiloqramadək– 200 Avro; (240 ABŞ dolları;)
  • üç ölçünün cəmi üzrə qəfəsin ölçüsü 158 santimetrdən böyük olduqda (203 santimetrədək) - əlavə olaraq 100 Avro (120 ABŞ dolları);
  • üç ölçünün cəmi üzrə qəfəsin ölçüsü 203 santimetrdən böyük olduqda - əlavə olaraq 200 Avro (240 ABŞ dolları;)

PETC (kabinədə heyvan) əl yükünün pulsuz daşınma normasına daxil edilmir və 100 Avro (120 ABŞ dolları) məbləğində haqq ödənilir.

Heyvanlarla səyahət

Heyvanların daşınması yalnız aviaşirkətin  razılığı ilə həyata keçirilir və daşınan heyvanların sayı və növü üzrə məhdudiyyətlər mövcuddur. Ev heyvanınızı səfərə aparmaq qərarı verdiyiniz təqdirdə, təxsisetmə zamanı, aviabilet alarkən və ya aviaşirkətin məlumat mərkəzi vasitəsilə cədvəldə göstərilən uçuş vaxtından ən azı 24 saat əvvəl bu barədə  məlumat verməlisiniz. Hava gəmisinin baqaj bölməsində daşınması üçün heyvanın (o cümlədən quşun) konteynerlə birlikdə çəkisi 75 kq-dan çox olmamalıdır.

Heyvanın uçuşa hazırlanması

Heyvanınızın uçuş ərzində sakitliyini təmin etmək üçün heyvan əvvəlcədən buna hazırlanmalıdır. Altı ay və ya daha əvvəl aviaşirkətin tələblərinə cavab verən daşıyıcı konteyner alın, içərisinə rahat, heyvana tanış olan döşənəcək salın və oyuncaqlarını qoyun – bura onun üçün həbsxana deyil, sevimli guşəsi olmalıdır. Heyvanın ev şəraitində qəfəsə alışmasına imkan yaradın.

Konteynerlə birlikdə çəkisi 32  kq-dan 75 kq-dək olan iri itlər təyyarənin baqaj bölməsində xüsusi qapalı konteynerlərdə aşağıdakı tələblərə uyğun olaraq daşınmalıdır:

• Konteynerin hündürlüyü, eni və uzunluğu itin ölçüsünə uyğun olmalıdır və heyvanın təkcə oturması və uzanmasını deyil, həm də ayaq üstə dayana bilməsini və 360 ° sərbəst dönməsini təmin etməlidir;

  • Konteyner üzərindəki işarələr daşınan heyvanın maksimal icazə verilən çəkisini, həmçinin boş konteynerin kütləsini əks etdirməlidir;
  • Qəfəsin iki hissəsi boltla bərkidilməlidir. Hər hansı digər qıfıl sistemi olan qəfəslərdən istifadəyə icazə verilmir;
  • Çəkisi 32 kq-dan çox olan heyvanın yerləşdirildiyi istənilən konteyner  ən azı iki tərəfdən tutacaqla təchiz olunmalıdır;
  • Qəfəsdə yeri möhkəmləndirilmiş  bir su qabı qoyulmalıdır;
  • Qapı dörd tərəfdən kilidi bağlayan mərkəzləşdirilmiş kilidləmə sistemi ilə təchiz olunmalıdır. Bundan əlavə, hər tərəfdən plastik bağların istifadəsi tələb olunur;
  • Qəfəsin təkərləri çıxarılmalıdır və ya bağlamaq mümkündürsə bağlanmalı və ya yapışqan lentlə möhkəmləndirilməlidir;
  • Qəfəsin içinə ədyal, qəzet və ya digər hopdurucu material döşənməlidir. Nəzərə alın ki, saman və torfdan istifadə qadağandır;
  • Heyvanın yerləşdirildiyi konteynerin hava gəmisinə  yüklənməsi / düşürdülməsi zamanı əlavə qatlanan tutacaqların sınmaması üçün tutacaqlar qatlanmalı və yapışqan lentlə möhkəmləndirilməlidir.

Diri heyvan(lar) daşımaya görə məsuliyyət haqqında bəyannamə (PDF)