Azərbaycan aviatorları yenidən qan donoru oldular (FOTO) - Azerbaijan Airlines

12.11.2021

12 noyabr 2021-ci il, Bakı – «Azərbaycan Hava Yolları» (AZAL) noyabrın 12-də könüllü qanvermə aksiyası keçirib. Həmin aksiyada 200-ə yaxın aviator iştirak edib. 

Qanvermə proseduru pandemiya dövründə qüvvədə olan bütün qaydalara riayət etməklə keçirilib. Qan donorluğu aviatorlar arasında artıq yaxşı ənənəyə çevrilib.

Qangötürmə məntəqəsi AZAL-ın nəzdindəki poliklinikada yaradılıb, tibb işçiləri briqadası  əvvəlcədən aviatorların məcburi tibbi müayinəsini keçirib.

Müayinədən sonra toplanan qan nümunələri müxtəlif ağır xəstəlikləri olan, həmçinin qan köçürülməsinə ehtiyacı olan pasiyentlərin müalicəsi üçün nəzərdə tutulub.

 

“Azərbaycan Hava Yolları” QSC-nin mətbuat xidməti