COVID-19 pandemiyası dövründə Ukraynaya səyahət qaydaları

Ukraynaya gələn əcnəbilərdə və vətəndaşlığı olmayan şəxslərdə COVID-19 müalicəsi ilə əlaqədar xərcləri ödəyən və Ukraynada qaldıqları müddət üçün etibarlı olan sığorta polisi mövcud olmalıdır.

Sığorta polisi olmadan Ukrayna ərazisinə aşağıdakı şəxslər daxil ola  bilər:

• əcnəbilər, Ukrayna ərazisində daimi yaşayan vətəndaşlığı olmayan şəxslər;

• xarici dövlətlərin diplomatik nümayəndəliklərinin və konsulluq idarələrinin, rəsmi beynəlxalq missiyaların nümayəndəliklərinin, Ukraynada akkreditə olunmuş təşkilatların işçiləri və onların ailə üzvləri;

Ukrayna Səhiyyə Nazirliyinin məlumatına əsasən "qırmızı" və "yaşıl" zonalara aşağıdakı ölkələr aiddir: bu keçiddən istifadə edin.

COVID-19 infeksiyası geniş yayılmış dövlətdən ("qırmızı" zonadan) gələn və ya həmin dövlətin vətəndaşları  (təbəələri) olan şəxslər özünütəcrid şəraitində qalmalıdırlar.

Aşağıda qeyd olunmuş şəxslər, COVID-19 infeksiyasına yoluxmuş şəxslə təmasda olma ehtimalı olmadığı təqdirdə, özünütəcrid şəraitində qalmamalıdırlar:

• 12 yaşına çatmamış şəxslər;
• Ukraynaya ali təhsil müəssisələrində təhsil almaq üçün gələn şəxslər;
• COVID-19 infeksiyası geniş yayılmış dövlətlərin vətəndaşları (təbəələri)  olan və son 14 gün ərzində bu dövlətlərin ərazisində olmayan və ya Ukrayna ərazisindən tranzitlə keçən və iki gün ərzində xaricə səyahətlərini təsdiq edən sənədləri mövcud olan şəxslər;
• xarici dövlətlərin diplomatik nümayəndəliklərinin və konsulluq idarələrinin, rəsmi beynəlxalq missiyaların  nümayəndəliklərinin, Ukraynada akkreditə olunmuş təşkilatların işçiləri və onların ailə üzvləri;
• müntəzəm daşımalar həyata keçirən avtobusların, yük nəqliyyat vasitələrinin sürücüləri və heyət üzvləri, hava, dəniz, çay gəmilərinin heyət üzvləri, qatar və lokomotiv briqadalarının üzvləri;
• NATO-ya üzv dövlətlərin və NATO-nun "Sülh naminə tərəfdaşlıq proqramı"nın iştirakçısı olan dövlətlərin silahlı qüvvələrinin Silahlı Qüvvə bölmələrinin hazırlığı üzrə tədbirlərdə iştirak edən təlimçiləri;
• mədəniyyət müəssisəsinin dəvəti ilə gələn mədəniyyət xadimləri, hər birini müşayiət edən  bir nəfərlə birlikdə;
•  transplantasiya üçün hemopoetik kök hüceyrələrinin daşınmasını həyata keçirən şəxslər;
• sərhədi  keçməzdən əvvəl 48 saatdan gec olmayaraq müddətdə Polimeraz Zəncirvari Reaksiya (PCR) üsulu ilə   keçirilən COVID-19  testinin nəticəsi mənfi olan şəxslər;
•   dövlət sərhədini keçməzdən əvvəl Elektron xidmətlərin vahid dövlət veb-portalının "Evdə hərəkət et" elektron xidmətindən istifadə etməklə özünütəcrid şəraitində qalmağa razılıq verən şəxslər.

Daha ətraflı məlumatı qeyd olunan keçiddən istifadə etməkləəldə edə bilərsiniz: https://www.visitukraine.today 

Ukraynada PCR testlərini təqdim edən laboratoriyaların siyahısı:

• Median Laboratoriyası - https://median.kiev.ua
• CSD Laboratoriyası - https://www.csdlab.ua/