COVID-19 pandemiyası dövründə Qazaxıstana səyahət qaydaları

1. Bütün sərnişinlər (Qazaxıstan vətəndaşları və xaricdən Qazaxıstana gələn Qazaxıstan Respublikasında yaşamaq icazəsi olan şəxslər də daxil olmaqla) PCR-testin mənfi arayışına malik olmalıdırlar (arayışın verildiyi gündən etibarən Qazaxıstan Respublikasının sərhədini keçmə anına qədər 72 saat ərzində etibarlı olmalıdır). Arayış ingilis, rus və ya qazax dillərində olmalıdır. Bu, aşağıdakı sərnişinlərə şamil edilmir:

-    COVID-19-a qarşı Qazaxıstanda peyvəndlənmiş Qazaxıstan vətəndaşları və rezidentləri;

-    Qazaxıstandan keçən beynəlxalq tranzit sərnişinləri;

-  COVID-19-a dair PCR-testin mənfi nəticəsi olan şəxsin müşayiəti ilə 5 yaşından kiçik sərnişinlər;

-    Qazaxıstan Respublikasının Baş Sanitariya Həkiminin 3 sentyabr 2021-ci il tarixli Fərmanına əsasən, Argentina, Macarıstan, Gürcüstan, İran İslam Respublikası, Belarus, Moldova, San Marino, Qırğızıstan, Monqolustan, Tayland, Türkiyə və Estoniya Respublikası vətəndaşlarının peyvənd pasportları/ şəhadətnamələri Qazaxıstan Respublikasında fəaliyyət göstərir. Bu ölkələrin vətəndaşları üçün tam peyvənd pasportu təqdim edildikdə PCR tələb olunmur.

2. Xarici tələbələr, yaşadıqları ölkənin səlahiyyətli orqanı tərəfindən verilmiş sertifikat / peyvənd pasportu ilə təsdiq edilmiş COVID-19-a qarşı tam peyvəndi olduqda, Qazaxıstan Respublikasının ərazisinə daxil ola bilərlər (QEYD: əcnəbi tələbələr Qazaxıstan Respublikasının təhsil müəssisəsinin tələbəsi olduqlarını təsdiqləməlidirlər);

3. Sərnişinlər tibbi müayinədən keçməli və gəliş zamanı doldurulmuş sağlamlıq anketini təqdim etməlidirlər.

4. Xaricdən Qazaxıstana gələn bütün sərnişinlərdən dövlət sanitar və karantin qaydaları ilə tanış olmaları tələb olunur.

5.  31 dekabr 2021-ci ilə qədər 57 ölkənin vətəndaşları üçün vizasız gediş-gəliş rejimi dayandırılıb (ümumvətəndaş pasportla səyahət edən Britaniya vətəndaşları və Avstraliya, Avstriya, Bəhreyn, Belçika, Bolqarıstan, Kanada, Çili, Çin (Xalq Respublikası), Kolumbiya, Xorvatiya, Kipr, Çexiya, Danimarka, Estoniya, Finlandiya, Fransa, Almaniya, Yunanıstan, Macarıstan, İslandiya, Hindistan, İndoneziya, İrlandiya (Respublika), İsrail, İtaliya, Yaponiya, Koreya (Respublika), Küveyt, Latviya, Lixtenşteyn, Litva, Lüksemburq, Malayziya, Malta, Meksika, Monako, Hollandiya, Yeni Zelandiya, Norveç, Oman, Filippin , Polşa, Portuqaliya, Qətər, Rumıniya, Səudiyyə Ərəbistanı, Sinqapur, Slovakiya, Sloveniya, İspaniya, İsveç, İsveçrə, Tailand, Türkiyə, ABŞ, Birləşmiş Ərəb Əmirlikləri, Vatikan (Müqəddəs Taxt-Tac) və Vyetnam vətəndaşları). Tələblərlə bağlı ən son yenilikləri əldə etmək üçün uçuşdan əvvəl https://www.visakazakhstan.com saytına daxil olun.

6. Sərnişinlərin hava limanlarına girişinə “Ashyq” tətbiqi vasitəsilə icazə verilir. Hava limanına gəlməzdən əvvəl mobil əlavəni yükləməyinizi, qeydiyyatdan keçməyinizi və ashyq.kz saytında statusunuzu yoxlamağınızı xahiş edirik. Yaşıl/mavi statuslu sərnişinlər terminala giriş prosesində gecikmələrin qarşısını almaq üçün hava limanına qabaqcadan gəlməlidirlər. Hava limanına qəbul terminalın girişində təqdim olunmaqla, sərnişinin statusunu müəyyənləşdirmək üçün xüsusi QR-kodun skan edilməsi şərti ilə həyata keçirilir. Sərnişinin smartfonu olmadıqda, status onun razılığı ilə informasiya sistemində fərdi identifikasiya nömrəsi vasitəsilə yoxlanılır. Sarı və qırmızı statuslu sərnişinlər hava limanına buraxılmayacaq.

7. Yuxarıda göstərilən tələblər üçüncü mənbə tərəfindən təqdim edilib və əvvəlcədən xəbərdarlıq edilmədən dəyişdirilə bilər. Ərazisindən çıxdığınız və səyahət etdiyiniz ölkənin tələbləri barədə ən son məlumatları əldə etmək üçün uçuşunuzdan əvvəl IATA-nın Səyahət Mərkəzinin saytını nəzərdən keçirməniz xahiş olunur.

Hörmətli sərnişinlər

Nəzərinizə çatdırmaq istəyirik ki, WhatsApp xidmətimiz texniki səbəblərdən dolayı müvəqqəti olaraq işləməyəcək. Sorğunuzu bizə callcenter@azal.az e-poçt ünvanı, həmçinin saytımızdakı əlaqə forması vasitəsilə göndərə bilərsiniz:
https://help.azal.az/hc/ru/requests/new

Narahatlığa görə üzr istəyirik.