COVID-19 pandemiyası ilə əlaqədar Gürcüstan sərhədini keçmə qaydaları

COVİD-19 əleyhinə peyvənd olunan Gürcüstana qayıdan Gürcüstan vətəndaşları və rezidentləri

- Gürcüstana quru sərhədlərindən daxil olarkən Gürcüstanda Covid-19 əleyhinə peyvəndin tam kursunu (iki doza, Johnson & Johnson peyvəndi ilə bir doza) keçirmiş Gürcüstan vətəndaşları, səfərdən 72 saat əvvəl əldə edilmiş mənfi PCR-test nəticəsini təqdim etmək tələbindən azad edilirlər. Qəbul edilən peyvəndlər: AstraZeneca (SK Bioscience), AstraZeneca (Vaxzevria),Covaxin, Covieshield, Covovax, Janssen, Moderna (Spikevax), Nuvaxovid (Novavax), Pfizer-BioNTech (Cominarty), Sinopharm və Sinovac.

- Əvvəlcədən qeydiyyat keçmək tələb edilmir

COVİD-19 əleyhinə peyvənd olunmamış Gürcüstana qayıdan Gürcüstan vətəndaşları və rezidentləri

Səfərdən əvvəl 72 saat ərzində aparılan mənfi PCR-test nəticəsini təqdim edən Gürcüstan vətəndaşları 8 gün özünütəcrid şəraitində qalmalı və ya Gürcüstanda olduqları 3-cü gün ərzində öz hesabına əlavə PCR-testdən keçməlidirlər.

Gürcüstan vətəndaşları sərhəd buraxılış məntəqəsində PCR-test nəticəsini təqdim etmədikdə 8 gün müddətinə özünütəctid şəraitində qalmalıdırlar. Özünü təcrid etmək mümkün olmadıqda isə, məcburi karantinə yerləşdiriləcəklər.

PCR-test haqqında arayış gürcü, ingilis və ya rus dillərində olmalıdır.

İstənilən ölkədən səyahət edən xarici ölkələrin peyvənd olunmuş vətəndaşları aşağıdakı şərtlərlə Gürcüstana giriş edə bilərlər:

Aşağıda qeyd olunanlardan birini təqdim etməklə:

- COVID-19 əleyhinə istənilən peyvəndinin tam kursunu (iki doza, Johnson & Johnson peyvəndi ilə bir doza) təsdiq edən sənəd. Qəbul edilən peyvəndlər: AstraZeneca (SK Bioscience), AstraZeneca (Vaxzevria), Covaxin, Covishield, Covovax, Janssen, Moderna (Spikevax), Nuvaxovid (Novavax), Pfizer-BioNTech (Comirnaty), Sinopharm, and Sinovac;

- son 100 gün ərzində COVID-infeksiyasından sağalmanı təsdiq edən sənədlər (təsdiqlənmiş müsbət PCR-testi ilə) və təcili istifadə üçün ÜST tərəfindən siyahıya alınmış istəlinən peyvəndin bir dozasının həyata keçirilməsi;

- PCR-tesi tələb olunmur;

- Əvvəlcədən qeydiyyat keçmək tələb edilmir.

Xarici ölkələrin peyvənd olunmamış vətəndaşları üçün giriş qaydaları

Aşağıdakı dövlətlərin vətəndaşları və yaşayış icazəsi olan şəxslər Gürcüstana aşağıda göstərilən şərtlərlə giriş edə bilərlər:

Avropa Birliyinə üzv olan dövlətlər, İsrail, Türkiyə, İsveçrə., Norveç, Amerika Birləşmiş Ştatları, Kanada, Böyük Britaniya və Şimali İrlandiya Birləşmiş Krallığı, Səudiyyə Ərəbistanı, Qətər, Küveyt, Birləşmiş Ərəb Əmirlikləri, Bəhreyn, Azərbaycan Respublikası, Ukrayna, Moldova, Qazaxıstan, Rusiya Federasiyası, Belarus, Özbəkistan, Tacikistan, Qırğızıstan, Türkmənistan, Çin Xalq Respublikası, Yaponiya, Koreya, Oman, San Marino, Monako, Serbiya, İslandiya, Lixtenşteyn, Çernoqoriya, Andorra, Albaniya, Şimali Makedoniya, Bosniya Və Herseqovina, İordaniya, İraq, Livan

Peyvənd olunmamış səyahətçilər üçün giriş şərtləri:

- Yuxarıda qeyd olunan ölkələrdən birbaşa, o cümlədən üçüncü ölkələr üzərindən tranzitlə səyahət etməlidirlər;

- Sərhəd buraxılış məntəqəsində Gürcüstana səfərdən əvvəl son 72 saat ərzində keçirilmiş PCR-testin mənfi nəticəsini təqdim etməlidirlər. PCR-test haqqında arayış gürcü, ingilis və ya rus dillərində olmalıdır.

- Gürcüstanda olduqları 3-cü gün ərzində öz hesabına PCR-testdən keçməlidirlər;

- Dövlət sərhədini keçməzdən əvvəl son 14 gün ərzində səyahət tarixçəsini, əlaqə məlumatlarını (ünvan, telefon nömrəsini, elektron poçt ünvanını və s.) göstərməklə xüsusi anket doldurmalıdırlar. https://registration.gov.ge/pub/form/8_protocol_for_arrivals_in_georgia/tk6157/

- 10 yaşına çatmamış şəxslər (milliyyətindən asılı olmayaraq) Gürcüstana səfərdən əvvəl son 72 saat ərzində mənfi PCR-testi təqdim etmək və Gürcüstanda olduqları 3-cü gün ərzində PCR-testdən keçmək tələbindən azad edilirlər.

Yuxarıda göstərilən kateqoriyalar istisna olmaqla, Gürcüstana giriş məhdudiyyətləri aşağıdakı sərnişinlərə şamil edilmir:

- Gürcüstanda akkreditə olunmuş diplomatik nümayəndəliklərin və beynəlxalq təşkilatların nümayəndələri və onların ailə üzvləri;

- Gürcüstan vətəndaşlarının ailə üzvləri (milliyyətindən asılı olmayaraq);

- Gürcüstana humanitar missiya çərçivəsində gələn şəxslər - belə missiyanın (həkimlərin, könüllülərin və s.) Gürcüstana səfəri zərurət olarsa;

- Gürcüstanın müvafiq hakimiyyət orqanları tərəfindən vətəndaşlığı olmayan şəxs statusu verilmiş şəxslər;

- Neytral statuslu şəxsiyyət vəsiqəsi və ya səyahət sənədləri olan şəxslər;

- Gürcüstanda qaçqın statusu olan şəxslər;

- Rəsmi nümayəndə heyətlərinin üzvləri (hər konkret hal üzrə qərar qəbul ediləcək);

- Beynəlxalq avtomobil daşımalarında iştirak edən qatarların və yük maşınlarının sürücüləri, dəmir yolu ilə yüklərin daşınmasında iştirak edən beynəlxalq dəmiryol heyəti, habelə hava gəmisinin heyət üzvləri.

Yuxarıda göstərilən qaydalar üçüncü mənbə tərəfindən təqdim edilib və əvvəlcədən xəbərdarlıq edilmədən dəyişdirilə bilər. Ərazisindən çıxdığınız və səyahət etdiyiniz ölkələrin tələbləri barədə ən son məlumatları əldə etmək üçün uçuşunuzdan əvvəl IATA-nın Səyahət Mərkəzinin saytını, Gürcüstan Xarici İşlər Nazirliyinin veb-saytını - https://mfa.gov.ge/https://stopcov.ge/en və https://tinyurl.com/4kmkznx7 saytlarını nəzərdən keçirməniz xahiş olunur.

Bakı (GYD) vasitəsilə Gürcüstandan digər ölkələrə səyahət edən tranzit sərnişin(lər) üçün onun son təyinat məntəqəsinə girişini tənzimləyən qaydalar/şərtlər tətbiq edilir.

Təyinat ölkəsi tələb etdiyi təqdirdə, Synevo laboratoriyasının (www.synevo.ge) filiallarının birindən koronavirus infeksiyasının olmaması barədə arayış almalı və ya üzərində QR-kodu olan PCR testinin neqativ nəticəsi haqqında arayış təqdim etməlisiniz (QR-kodun etibarlılığı qeydiyyat masalarında yoxlanılacaq).

Hörmətli sərnişinlər

Nəzərinizə çatdırmaq istəyirik ki, WhatsApp xidmətimiz texniki səbəblərdən dolayı müvəqqəti olaraq işləməyəcək. Sorğunuzu bizə callcenter@azal.az e-poçt ünvanı, həmçinin saytımızdakı əlaqə forması vasitəsilə göndərə bilərsiniz:
https://help.azal.az/hc/ru/requests/new

Narahatlığa görə üzr istəyirik.