Bir qrup Azərbaycan aviatorlarına dövlət və müəssisədaxili mükafatlar təqdim edilib

28 iyun 2022-ci il, Bakı – İyunun 28-də bir qrup Azərbaycan aviatorlarına dövlət və müəssisədaxili mükafatların təqdim edilməsi, habelə fəxri adların verilməsi mərasimi keçirilib.

Azərbaycanın 50-dən çox mülki aviasiya işçisi medal, orden və fəxri adlara layiq görülmüşdür.

1 iyun 2022-ci il tarixdə Azərbaycan Respublikasının Prezidenti İlham Əliyev mülki aviasiya sahəsində bir qrup işçinin 3-cü dərəcəli "Əmək" ordeni, "Tərəqqi" medalı ilə təltif edilməsi, həmçinin bu sahədə səmərəli fəaliyyətinə görə "Əməkdar mühəndis" və "Əməkdar pilot" fəxri adlarına layiq görülməsi haqqında sərəncamlar imzalamışdır.

AZAL-ın prezidenti Cahangir Əsgərov mülki aviasiya işçilərini dövlət və müəssisədaxili mükafatlarla təltif edilmələri münasibətilə təbrik edib. Onların yüksək peşəkarlığını, fədakarlığını və öz vəzifələrinin icrasına məsuliyyətlə yanaşdıqlarını qeyd edib.

Cahangir Əsgərov görüşdə Prezident İlham Əliyevin Azərbaycanın mülki aviasiyasına göstərdiyi daimi diqqətini vurğulayıb və bu sahəyə göstərdiyi xüsusi qayğısına görə dövlət başçısına minnətdarlığını bildirib.

"Azərbaycan aviatorlarının gərgin əməyi və peşəkarlığı ölkənin inkişafına mühüm töhfədir və Azərbaycan Resublikasının Prezidenti İlham Əliyev tərəfindən yüksək qiymətləndirilir. Ölkə Prezidentinin bu diqqəti hər bir mülki aviasiya işçisi üçün mühüm motivasiyadır. Dövlət başçısı ölkənin mülki aviasiyasına hər zaman xüsusi münasibət göstərir, onun rəhbərliyi altında bu sahədə mühüm və ciddi dəyişikliklər baş vermiş, ölkənin mülki aviasiyası üzrə böyük perspektiv layihələr həyata keçirilmişdir. Azərbaycan xalqının Ümummilli Lideri Heydər Əliyev qeyd etmişdir: "Azərbaycan Hava Yolları"nın ən vacib vəzifəsi uçuşların təhlükəsizliyini təmin etməkdir. Ölkənin hər bir mülki aviasiya işçisi bu nəsihətə əməl edir", - deyə Cahangir Əsgərov bildirib.

AZAL prezidenti qeyd edib ki, gələn il Azərbaycanın mülki aviasiyası 85 illiyini qeyd edəcək.

Tədbirdə, həmçinin "Azərbaycan Hava Yolları" aviaşirkətinin pilotlarının pensiyaya yola salınması da keçirilib. Pilotlara mülki aviasiyada çoxillik əməyinə və sədaqətinə görə təşəkkür edilib, onlara təşəkkürnamələr və qiymətli mükafatlar təqdim olunub.

Mükafatların təqdim edilməsi mərasimini aşağıdakı videodan izləyə bilərsiniz: https://youtu.be/r4HVPFu6Eno

 

"Azərbaycan Hava Yolları"nın mətbuat xidməti

Son xəbərlər

25 İyl 2022

Zəngilan Beynəlxalq Hava Limanına IATA kodu təyin edilib

Ətraflı
22 İyl 2022

AZAL avqust ayında Hindistanın Yeni Dehli şəhərinə uçuşlara başlayacaq

Ətraflı
20 İyl 2022

AZAL hava gəmiləri parkına yeni "Boeing 787 Dreamliner" hava gəmilərini daxil edəcək

Ətraflı
08 İyl 2022

AZAL-ın prezidenti Cahangir Əsgərov Qətərin Azərbaycandakı səfiri ilə görüşüb

Ətraflı
08 İyl 2022

AZAL-ın prezidenti Cahangir Əsgərov və Misir səfiri hava əlaqəsinin genişləndirilməsini müzakirə ediblər

Ətraflı
07 İyl 2022

AZAL-ın prezidenti Cahangir Əsgərov İsrail səfiri ilə əməkdaşlıq perspektivlərini müzakirə edib

Ətraflı

Hörmətli sərnişinlər

Nəzərinizə çatdırmaq istəyirik ki, WhatsApp xidmətimiz texniki səbəblərdən dolayı müvəqqəti olaraq işləməyəcək. Sorğunuzu bizə callcenter@azal.az e-poçt ünvanı, həmçinin saytımızdakı əlaqə forması vasitəsilə göndərə bilərsiniz:
https://help.azal.az/hc/ru/requests/new

Narahatlığa görə üzr istəyirik.