AZANS "Maverick Awards 2021" beynəlxalq mükafatının münsiflər heyətinə seçildi

31 avqust 2021-ci il, Bakı – "Azərbaycan Hava Yolları" QSC-nin nəzdində fəaliyyət göstərən "Azəraeronaviqasiya" Hava Hərəkəti İdarəsi (AZANS) "Maverick Awards 2021" beynəlxalq  mükafatının münsiflər heyətinə seçildi. CANSO beynəlxalq aeronaviqasiya təminatı provayderləri təşkilatı tərəfindən təsis edilən bu mükafat aeronaviqasiya sahəsində əldə edildiyi uğurlara görə təqdim olunur.

"Maverick Awards 2021" beynəlxalq  mükafatı CANSO aeronaviqasiya sahəsində mühüm nailiyyətlərə, uğurlara, innovasiyalara, habelə aeronaviqasiya və hava hərəkətinin təşkili (HHT) sahəsində dayanıqlı inkişafa görə təqdim edilir.

Belə ki, münsiflər tərəfindən kateqoriyalara görə verilən ballara əsasən, hər nominasiya üzrə təqdim olunan müsabiqə işləri  ən yüksək qiymətləndirmədən aşağıya doğru sıralanır. Müsabiqənin sonunda münsiflər  tərəfindən "Maverick Awards 2021" mükafatının qalibləri müəyyən edilir.

Bu mükafat, yeni parlaq fikirlər nümayiş etdirmək üçün, habelə  ətraf mühitə müsbət töhfəni qəbul edən və bütün aviasiya və HHT sahəsinin təkmilləşdirilməsinə təkan verən özünəməxsus platformadır.

Mükafat üç nominasiya üzrə təqdim olunur:

• Əməkdaşlığa görə mükafat;

• İnnovasiyalara görə mükafat;

• Dayanıqlı inkişafa görə mükafat.

Nominasiyalar üzrə namizədlərin seçilməsi və münsiflik prosesi "Maverick Awards"ın  Münsiflər heyəti tərəfindən açıq və şəffaf meyarlar əsasında həyata keçirilir.

Münsiflər heyətinə  "Air Traffic Control Association" (ATCA) assosiasiyası  və "Civil Air Navigation Services Organization" (CANSO) təşkilatının nümayəndələri qəbul edilir. Bunlar geniş təcrübəyə və biliklərə malik, aeronaviqasiya xidmətləri provayderləri sıralarından olan,  aviasiya və elm sahələrinin tanınmış liderləridir

Qeyd edək ki, ATCA və CANSO müstəqil və qərəzsiz münsiflərdən ibarət komandanın təşkili üçün namizədlərin seçimi prosesinə diqqətlə yanaşır.

 

"Azərbaycan Hava Yolları" QSC-nin Mətbuat xidməti

Son xəbərlər

28 İyn 2022

Bir qrup Azərbaycan aviatorlarına dövlət və müəssisədaxili mükafatlar təqdim edilib

Ətraflı
22 İyn 2022

AZAL iyul ayında Bakıdan Tbilisiyə uçuşlar yerinə yetirməyə başlayacaq

Ətraflı
20 İyn 2022

“AZAL” Bakıdan Antalya şəhərinə uçuşların sayını artıracaq

Ətraflı
17 İyn 2022

Heydər Əliyev Beynəlxalq Aeroportu MDB məkanında ardıcıl olaraq beşinci dəfə ən yaxşı hava limanı seçilmişdir

Ətraflı
16 İyn 2022

AZAL Bakı-Naxçıvan-Bakı marşrutu üzrə aviabiletləri aviaşirkətin rəsmi saytından almağa dəvət edir

Ətraflı
06 İyn 2022

Nazirlər Kabineti “Bakı-Naxçıvan və Naxçıvan-Bakı hava xətti ilə uçan şəxslərə güzəştlərin edilməsi haqqında” qərarda dəyişiklik edib.

Ətraflı

Hörmətli sərnişinlər

Nəzərinizə çatdırmaq istəyirik ki, WhatsApp xidmətimiz texniki səbəblərdən dolayı müvəqqəti olaraq işləməyəcək. Sorğunuzu bizə callcenter@azal.az e-poçt ünvanı, həmçinin saytımızdakı əlaqə forması vasitəsilə göndərə bilərsiniz:
https://help.azal.az/hc/ru/requests/new

Narahatlığa görə üzr istəyirik.