"AZAL"ın 50 yaşdan yuxarı əməkdaşları koronavirusa qarşı peyvənd edilirlər (FOTO)

22 fevral 2021-ci il, Bakı – 22 fevral tarixindən "Azərbaycan Hava Yolları" QSC-nin 50 yaş və daha yuxarı olan bütün işçilərinin koronavirus (COVID-19) infeksiyasına qarşı peyvəndləmə prosesinə başlanılıb.

Bu yaş kateqoriyasına aid aviasiya personalı ilk növbədə koronavirus infeksiyasına qarşı peyvənd olunmalı şəxslər siyahısına daxildir.

Aviaşirkətin işçi heyətinin peyvənd olunması 26 fevral tarixinədək davam edəcəkdir. Peyvənd olunma könüllü xarakter daşıyır və ödənişsiz həyata keçiriləcəkdir.

Azərbaycan Respublikasının Milli Aviadaşıyıcısı COVID-19 infeksiyasına qarşı peyvənd olunmalı bütün vətəndaşları peyvəndləmə prosesində daha fəal iştirak etməyə çağırır.  Bu, ölkədəki epidemioloji vəziyyətin yaxşılaşdırılmasına və ən qısa müddətdə aviasiya və turizm sektorunun bərpasına kömək edəcəkdir.

AZAL ölkədəki uğurlu peyvəndləmə proqramı sayəsində Azərbaycan Respublikası sərhədlərinin açılmasını və sərnişindaşıma sektorunun normal fəaliyyətə dönəcəyini gözləyir. Aviaşirkətin beşillik inkişaf planına əsasən 2023-cü ilə qədər əvvəlki daşıma həcmlərinə qayıtmaq və pandemiyadan əvvəl "Azərbaycan Hava Yolları"nın uçduğu bütün marşrutlar üzrə müntəzəm reysləri bərpa etmək  nəzərdə tutulmuşdur. 2025-ci ilədək isə aviaşirkət yaxın və uzaq xaricdəki marşrut xəritəsini daha da genişləndirməyi planlaşdırır.

Həmçinin, uçuşların bərpası çərçivəsində Heydər Əliyev Beynəlxalq Aeroportu xarici aviaşirkətlərin ölkəyə cəlb edilməsinin və yeni hava xətlərinin açılmasının təşviqi proqramını davam etdirəcəkdir.

Qeyd etmək lazımdır ki, sərhədlərin bağlanmasına qədər Azərbaycanın bütün beynəlxalq hava limanlarında hava məkanının beşinci və yeddinci dərəcəli "hava azadlığı” rejimləri tətbiq olunurdu. Azərbaycana uçuşlar həyata keçirmək istəyən bütün xarici aviaşirkətlər sonradan milli aviadaşıyıcı ilə eyni hüquqları əldə edəcəklər. Həmin azadlıq dərəcələri Azərbaycan hava limanlarından Avropa, Şimali Amerika, Avstraliya və Cənub-Şərqi Asiyanın 40 ölkəsinə uçuş icra etmək imkanı yaradır.

“Azərbaycan Hava Yolları” QSC-nin mətbuat xidməti

Son xəbərlər

28 İyn 2022

Bir qrup Azərbaycan aviatorlarına dövlət və müəssisədaxili mükafatlar təqdim edilib

Ətraflı
22 İyn 2022

AZAL iyul ayında Bakıdan Tbilisiyə uçuşlar yerinə yetirməyə başlayacaq

Ətraflı
20 İyn 2022

“AZAL” Bakıdan Antalya şəhərinə uçuşların sayını artıracaq

Ətraflı
17 İyn 2022

Heydər Əliyev Beynəlxalq Aeroportu MDB məkanında ardıcıl olaraq beşinci dəfə ən yaxşı hava limanı seçilmişdir

Ətraflı
16 İyn 2022

AZAL Bakı-Naxçıvan-Bakı marşrutu üzrə aviabiletləri aviaşirkətin rəsmi saytından almağa dəvət edir

Ətraflı
06 İyn 2022

Nazirlər Kabineti “Bakı-Naxçıvan və Naxçıvan-Bakı hava xətti ilə uçan şəxslərə güzəştlərin edilməsi haqqında” qərarda dəyişiklik edib.

Ətraflı

Hörmətli sərnişinlər

Nəzərinizə çatdırmaq istəyirik ki, WhatsApp xidmətimiz texniki səbəblərdən dolayı müvəqqəti olaraq işləməyəcək. Sorğunuzu bizə callcenter@azal.az e-poçt ünvanı, həmçinin saytımızdakı əlaqə forması vasitəsilə göndərə bilərsiniz:
https://help.azal.az/hc/ru/requests/new

Narahatlığa görə üzr istəyirik.