World ATM Congress 2019 çərçivəsində AZANS və EUROCONTROL arasında görüş keçirildi

13 mart 2019-cu il, Madrid – Madrid şəhərində keçirilən World ATM Congress 2019 çərçivəsində “Azəraeronaviqasiya” HHİ (AZANS) nümayəndələri və Avropa regionunun hava məkanının idarə edilməsi mərkəzinin (Network Manager Operations Centre - NMOC) direktoru Co Sultanın başçılıq etdiyi “EUROCONTROL”-un nümayəndə heyəti arasında görüş keçirilmişdir.

Görüşdə Eurocontrol və AZANS arasında gələcək əməkdaşlıq məsələləri, habelə Eurocontrol-un strateji tərəfdaşı və axınların planlaşdırılması zamanı əlaqələndirici qovşaq olan Azərbaycanın rolu müzakirə olunmuşdur.

AZANS və EUROCONTROL arasında sazişin imzalanmasının zəruri olduğu qeyd olunmuşdur. Həmin saziş hava hərəkətində gözlənilməz hallar baş verdiyi təqdirdə hava axınlarının planlaşdırılması zamanı regional yardım mərkəzi qismində Hava məkanından istifadənin səmərəliliyi, strategiya və inkişaf mərkəzi (ASEC) tərəfindən istifadə ediləcəkdir.

2019-cu ilin 27-28 fevral tarixində Pakistanla Hindistan sərhədində baş verən hadisələrdən sonra Pakistan öz hava məkanını bağladığı zaman bu məsələ daha də aktual olmuşdur. Bu dövrdə hava hərəkəti axınlarının səmərəli təşkilinə zərurət xeyli dərəcədə artmışdır.

World ATM Congress hava hərəkətinin təşkili sahəsində dünyada ən böyük sərgi və konfrans hesab edilir. Hər il burada təxminən 10 min nəfər iştirak edir.

“Azərbaycan Hava Yolları”-nın tərkibinə daxil olan AZANS HHİ Azərbaycan Respublikasının hava məkanında uçuşların təhlükəsizliyinin təmin edilməsini həyata keçirir. AZANS hər gün 500-dən çox hava gəmisinə xidmət göstərir, onlardan 300 hava gəmisi Azərbaycan ərazisindən keçən tranzit reyslər yerinə yetirir.

EUROCONTROL 41 üzv dövlətdən və xüsusi razılaşması olan 2 dövlətdən ibarət hökumətlərarası təşkilatdır. Tərəfdaşları ilə birlikdə EUROCONTROL hava hərəkətinin təşkilinin səmərəliliyini təmin edən vahid Avropa səmasını yaratmaq niyyətindədir.

 

“Azərbaycan Hava Yolları” QSC-nin mətbuat xidməti

Son xəbərlər

01 İyl 2020

AZAL iyulun 4-də İstanbula əlavə xüsusi reys yerinə yetirəcək

Ətraflı
01 İyl 2020

“Azərbaycan Hava Yolları” QSC-nin mətbuat xidmətinin məlumatı

Ətraflı
26 İyn 2020

AZAL-ın saytında Bakı-İstanbul-Bakı marşrutu üzrə reyslərə aviabilet satışı başlanmışdır

Ətraflı
19 İyn 2020

AZAL: təyyarə salonuna yalnız qadın çantasının və ya kişi portfelinin götürülməsinə icazə verilir

Ətraflı
19 İyn 2020

İyunun 20-də AZAL Naxçıvana iki əlavə reys yerinə yetirəcək.

Ətraflı
18 İyn 2020

AZAL Naxçıvana müntəzəm reysləri bərpa edir (FOTO, VİDEO)

Ətraflı

Hörmətli sərnişinlər

Nəzərinizə çatdırmaq istəyirik ki, WhatsApp xidmətimiz texniki səbəblərdən dolayı müvəqqəti olaraq işləməyəcək. Sorğunuzu bizə callcenter@azal.az e-poçt ünvanı, həmçinin saytımızdakı əlaqə forması vasitəsilə göndərə bilərsiniz:
https://help.azal.az/hc/ru/requests/new

Narahatlığa görə üzr istəyirik.