Bakıda “Avrasiya” Koordinasiya Şurasının iclası keçirilmişdir

10 oktyabr 2018-ci il, Bakı – Azərbaycanın paytaxtı MDB ölkələrinin milli aeronaviqasiya xidməti provayderlərini birləşdirən “Avrasiya” Koordinasiya Şurasının 35-ci müşavirəsinə ev sahibliyi etmişdir.

Müşavirədə 15 ölkədən 90 iştirakçı, o cümlədən MDB ölkələri -  Azərbaycan, Rusiya, Qazaxıstan, Belarus, Qırğızıstan, Tacikistan, Özbəkistanın milli aeronaviqasiya xidməti provayderlərinin baş direktorları, həmçinin İCAO, Dövlətlərarası Aviasiya Komitəsi, İATA və digər beynəlxalq aviasiya təşkilatlarının nümayəndələri iştirak etmişdirlər. 

Oktyabrın 10-da AZAL prezidenti Cahangir Əsgərov müşavirəni giriş sözü ilə açmışdır. Daha sonra müşavirə “Azəraeronaviqasiya” Hava Hərəkəti İdarəsinin direktoru Fərxan Quliyev və “Avrasiya” Koordinasiya Şurasının Sədri – “Hava Hərəkətinin Təşkili üzrə Dövlət Korporasiyası” FUDM-nin baş direktoru İqor Moiseenkonun çıxışları ilə davam etmişdir.

Hava daşınmalarına artan tələbatı və Avrasiya ölkələrinin strateji geosiyasi mövqeyini nəzərə alaraq, aeronaviqasiya təminatının harmonizasiyası və bu ölkələr arasında hava məkanının təşkilinin uzunmüddətli birgə planlaşdırılması mühüm əhəmiyyət kəsb edir.                                                                                               

Müşavirə zamanı “Avrasiya” üzv dövlətlərinin milli aeronaviqasiya xidməti provayderlərinin nümayəndələrinin MDB dövlətlərinin aeronaviqasiya sistemlərinin vəziyyəti və inkişaf planları barədə məruzələri dinlənilmişdir.

Əsas diqqət aşağıdakı məsələlərə yönəldilmişdir:

- pilotsuz uçuş aparatlarının uçuşları və onların uçuş təhlükəsizliyinə təsiri;

- azad marşrutların hava məkanı və “Avrasiya” regionunda tətbiqi perspektivləri;

- Avropa hava məkanının müasirləşdirilməsi və hava məkanı sahəsində milli strategiyalar;

- mülki aviasiyaya dair sazişin iştirakçısı olan dövlətlərin mülki aviasiya sahəsində uçuşlarının təhlükəsizlik vəziyyəti;

- “Avrasiya” şurasının üzv dövlətlərinin milli hava hərəkətinin təşkili sistemlərinin harmonizasiyası.

İclasda eyni zamanda İCAO, İATA və Dövlətlərarası Aviasiya Komitəsi kimi beynəlxalq təşkilatların nümayəndələri də məruzələrlə çıxış etmişdirlər.

Qeyd edək ki, “Avrasiya” Koordinasiya Şurası 1999-ci ildə yaradılmışdır. Onun təsisçiləri “Hava Hərəkətinin Təşkili üzrə Dövlət Korporasiyası” FUDM (Rusiya), "Kazaeronaviqasiya" RDM (Qazaxıstan), “Azəraeronaviqasiya“ (Azərbaycan), "Belaeronaviqasiya" DM (Belarus), "Kırqızaeronaviasiya" DM (Qırğızıstan), “Tadjikaeronaviasiya” DUM (Tacikistan)  və “Uzaeronaviqasiya” Mərkəzidir (Özbəkistan) .

                                                              

"Azərbaycan Hava Yolları" QSC-nin mətbuat xidməti

Son xəbərlər

03 Fev 2020

Heydər Əliyev Beynəlxalq Aeroportu yüksək beynəlxalq aviasiya təhlükəsizlik standartlarına cavab verir

Ətraflı
27 Dek 2019

“AZAL” prezidenti və İordaniya səfiri yeni reysin açılmasını müzakirə etdilər

Ətraflı
27 Dek 2019

AZAL səmanı bütün aviaşirkətlər üçün açdı

Ətraflı
17 Dek 2019

AZAL-dan “Qış aksiyası” çərçivəsində yeni endirimli aviabiletlər

Ətraflı
16 Dek 2019

AZAL Pilotların Hazırlığı Mərkəzinin imkanlarını genişləndirəcək

Ətraflı
06 Dek 2019

4 mindən artıq ağac əkilib

Ətraflı

Hörmətli sərnişinlər

Nəzərinizə çatdırmaq istəyirik ki, WhatsApp xidmətimiz texniki səbəblərdən dolayı müvəqqəti olaraq işləməyəcək. Sorğunuzu bizə callcenter@azal.az e-poçt ünvanı, həmçinin saytımızdakı əlaqə forması vasitəsilə göndərə bilərsiniz:
https://help.azal.az/hc/ru/requests/new

Narahatlığa görə üzr istəyirik.