AITF-2017 sərgisində AZAL-ın aviabiletləri oynanılacaq

03 aprel 2017-ci il, Bakı – "Azərbaycan Hava Yolları" hər kəsi aprelin 6-dan 8-ə kimi Bakıda keçiriləcək 16-cı Azərbaycan Beynəlxalq Turizm və Səyahətlər  "AITF 2017" sərgisindəki stendini ziyarət etməyə dəvət edir.

Ziyarətçilər AZAL və onun eksklüziv tərəfdaşı Silk Way Travel-ın birgə stendində aviaşirkətin və turizm agentliyinin nümayəndələri ilə söhbət edə biləcəklər. Həmçinin sərgi iştirakçıları və ziyarətçilərini maraqlı işgüzar görüşlər gözləyir.

Eyni zamanda, sərgi müddətində stendin ziyarətçiləri arasında "Azərbaycan Hava Yolları"-nın uçuşlar yerinə yetirdiyi istiqamətlərə pulsuz aviabiletlər, həmçinin digər qiymətli mükafatlar oynanılacaq.

Həmçinin iştirakçılar və ziyarətçilər tez-tez səyahət edən sərnişinlər üçün nəzərdə tutulan AZAL MILES proqramında qeydiyyatdan keçərək proqramın iştirakçısı ola bilər və bununla da 50 bonus balı hədiyyə qazana bilərlər.

"AITF" sərgisi Azərbaycanda sürətlə inkişaf edən turizm bazarının əlamətdar hadisəsidir və hər il dünyanın müxtəlif ölkələrindən çoxsaylı iştirakçı və qonaqları bir araya toplayaraq mühüm görüşlərin keçirildiyi və tərəfdaşlıq müqavilələrinin imzalandığı, habelə yeni proqram və istiqamətlərin elan edildiyi turizm sənayesinin qovşağına çevrilmişdir.

"Azərbaycan Hava Yolları" QSC-nin mətbuat xidməti 

Son xəbərlər

18 Mar 2020

“Azərbaycan Hava Yolları” “AZAL-Miles” proqramının iştirakçılarına bonus xallarının etibarlılıq müddətini uzadacaq

Ətraflı
03 Mar 2020

AZAL is taking special measures to prevent the spread of coronavirus (VIDEO)

Ətraflı
27 Fev 2020

Heydər Əliyev Beynəlxalq Aeroportu dünyanın bulud texnologiyalarına tamamilə keçid etmiş ilk hava limanıdır

Ətraflı
25 Fev 2020

“Azərbaycan Hava Yolları” sərnişinlərə xidmət sahəsində yeni “Amadeus” texnologiyalarına keçid etmişdir

Ətraflı
24 Fev 2020

“Azərbaycan Hava Yolları”nın mətbuat xidmətinin məlumatı

Ətraflı
18 Fev 2020

Azərbaycan və Rusiya uçuşların təhlükəsizliyinin təmin edilməsi sahəsində əməkdaşlığı gücləndirir

Ətraflı

Hörmətli sərnişinlər

Nəzərinizə çatdırmaq istəyirik ki, WhatsApp xidmətimiz texniki səbəblərdən dolayı müvəqqəti olaraq işləməyəcək. Sorğunuzu bizə callcenter@azal.az e-poçt ünvanı, həmçinin saytımızdakı əlaqə forması vasitəsilə göndərə bilərsiniz:
https://help.azal.az/hc/ru/requests/new

Narahatlığa görə üzr istəyirik.