Berlin şəhərinə uçuşların başlanması barədə

Azərbaycanın milli aviadaşıyıcısı – “Azərbaycan Hava Yolları” (AZAL) aviaşirkəti məlumat verir ki, 2 may 2015-ci il tarixdən Bakıdan Berlinə müntəzəm reyslərin yerinə yetirilməsinə, cari il yanvarın 21-dən isə həmin istiqamətdə uçuşlar üçün aviabiletlərin satışına başlanılır. 

Almaniya paytaxtının Tegel hava limanına (TXL) reyslər hər həftə çərşənbə və şənbə günləri yerinə yetiriləcək, Bakıdan uçuş yerli vaxtla saat 07.25-də, Berlində enmə isə yerli vaxtla saat 09.25-də nəzərdə tutulmuşdur. Berlindən geri istiqamətdə uçuşlar  həftənin eyni günlərində saat 10.45-də həyata keçiriləcək, Azərbaycanın paytaxtında enmə isə saat 18.40-da baş tutacaqdır.

Berlinə müntəzəm reyslərin açılması “Azərbaycan Hava Yolları”nın inamlı inkişafının və Avropaya uçuşların marşrut şəbəkəsinin genişləndirilməsinin növbəti  bariz nümunəsidir.

Almaniyanın paytaxtı Berlin şəhəri yüksək yaşayış tempinə malik olan, keçmişin müasir dövrlə ahəngdar şəkildə uzlaşdığı iri Avropa meqapolisidir.

Berlinə birbaşa reyslər açaraq “AZAL” Azərbaycanın işgüşar mühitinin nümayəndələrinə və turistlərə Almaniyaya səfər etmək üçün gözəl imkan yaradır, həmçinin əminliklə bildirir ki, bu uçuşlar Almaniyanın işgüzar şəxsləri və turistlərinin də tələbatını ödəyəcəkdir.    

Berlinə uçuş cədvəli Qırğızıstan, İran, Qazaxıstan və Gürcüstandan  Almaniya paytaxtına səyahət edən sərnişinlər üçün də rahat reys uzlaşması  təqdim edir.

Beləliklə, “AZAL” Aviaşirkəti bütün kateqoriyadan olan sərnişinlərin tələbatını ödəməyə çalışır və yeni marşrut üzrə hava səyahətinə dəvət edir!

Son xəbərlər

01 İyl 2020

AZAL iyulun 4-də İstanbula əlavə xüsusi reys yerinə yetirəcək

Ətraflı
01 İyl 2020

“Azərbaycan Hava Yolları” QSC-nin mətbuat xidmətinin məlumatı

Ətraflı
26 İyn 2020

AZAL-ın saytında Bakı-İstanbul-Bakı marşrutu üzrə reyslərə aviabilet satışı başlanmışdır

Ətraflı
19 İyn 2020

AZAL: təyyarə salonuna yalnız qadın çantasının və ya kişi portfelinin götürülməsinə icazə verilir

Ətraflı
19 İyn 2020

İyunun 20-də AZAL Naxçıvana iki əlavə reys yerinə yetirəcək.

Ətraflı
18 İyn 2020

AZAL Naxçıvana müntəzəm reysləri bərpa edir (FOTO, VİDEO)

Ətraflı

Hörmətli sərnişinlər

Nəzərinizə çatdırmaq istəyirik ki, WhatsApp xidmətimiz texniki səbəblərdən dolayı müvəqqəti olaraq işləməyəcək. Sorğunuzu bizə callcenter@azal.az e-poçt ünvanı, həmçinin saytımızdakı əlaqə forması vasitəsilə göndərə bilərsiniz:
https://help.azal.az/hc/ru/requests/new

Narahatlığa görə üzr istəyirik.