Azərbaycan və Monqolustan mülki aviasiya sahəsində əməkdaşlığın perspektivlərini müzakirə ediblər

Dekabrın 21-də Bakıda “Azərbaycan Hava Yolları” (AZAL) Qapalı Səhmdar Cəmiyyətinin Prezidenti Cahangir Əsgərov “Mongolian Airlines” (MIAT) aviaşirkətinin Prezidenti və Baş icracı direktoru Tamir Tumurbaatarın başçılıq etdiyi nümayəndə heyəti ilə görüşüb.

 

MIAT.jpg
 

Görüş çərçivəsində Azərbaycan və Monqolustan arasında mülki aviasiya sahəsində ikitərəfli əməkdaşlıq, eləcə də sərnişin və yük daşımalarının artırılması haqqında uzunmüddətli planlar müzakirə olunub. 

Həmçinin görüşdə qeyd edilib ki, mülki aviasiya sahəsində yaradılmış infrastruktur, eləcə də ərazisindən "Böyük İpək Yolu" keçən Azərbaycanın əlverişli coğrafi mövqeyi ölkəmizin üzərindən malların Avropa və Sakit Okean hövzəsi ölkələrinə daşınması üçün yaxşı imkanlar yaradır.

Danışıqların nəticəsində AZAL və MIAT nümayəndələrindən ibarət işçi qrupun yaradılması barədə qərar qəbul edilib. Əməkdaşlıq perspektivləri ilə bağlı konkret təkliflərin müzakirə olunması üçün Qrupun ilk iclası gələn il Ulan-Batorda keçiriləcək.

 

“Azərbaycan Hava Yolları” QSC-nin mətbuat xidməti

Son xəbərlər

01 İyl 2020

AZAL iyulun 4-də İstanbula əlavə xüsusi reys yerinə yetirəcək

Ətraflı
01 İyl 2020

“Azərbaycan Hava Yolları” QSC-nin mətbuat xidmətinin məlumatı

Ətraflı
26 İyn 2020

AZAL-ın saytında Bakı-İstanbul-Bakı marşrutu üzrə reyslərə aviabilet satışı başlanmışdır

Ətraflı
19 İyn 2020

AZAL: təyyarə salonuna yalnız qadın çantasının və ya kişi portfelinin götürülməsinə icazə verilir

Ətraflı
19 İyn 2020

İyunun 20-də AZAL Naxçıvana iki əlavə reys yerinə yetirəcək.

Ətraflı
18 İyn 2020

AZAL Naxçıvana müntəzəm reysləri bərpa edir (FOTO, VİDEO)

Ətraflı

Hörmətli sərnişinlər

Nəzərinizə çatdırmaq istəyirik ki, WhatsApp xidmətimiz texniki səbəblərdən dolayı müvəqqəti olaraq işləməyəcək. Sorğunuzu bizə callcenter@azal.az e-poçt ünvanı, həmçinin saytımızdakı əlaqə forması vasitəsilə göndərə bilərsiniz:
https://help.azal.az/hc/ru/requests/new

Narahatlığa görə üzr istəyirik.